21 იანვარს პრემიერლიგის 24-ე ტურის 6 მატჩი გაიმართა.
"მანჩესტერ სიტიმ" სტუმრად 1:0 მოუგო "შეფილდ იუნაიტედს". გოლი 73-ე წუთზე თავდამსხმელმა სერხიო აგუერომ გაიტანა.
36-ე წუთზე "სიტის" ფორვარდის, გაბრიელ ჟეზუსის მიერ დარტყმული პენალტი მეკარე დინ ჰენდერსონმა მოიგერია, რომელიც შეფილდურ კლუბს "მანჩესტერისგან" იჯარით ჰყავს აყვანილი. ბრაზილიელმა ამ სეზონში მეორე თერთმეტმეტრიანი გააცუდა, სულ კი კარიერაში 10-დან 6 პენალტი აქვს გატანილი.
"ქალაქელთა" ნახევარმცველი კევინ დე ბრუინი პირველი ფეხბურთელია, რომელიც ჩემპიონატზე ზედიზედ მესამე სეზონში მინიმუმ 15 საგოლე გადაცემას აკეთებს.
"სიტი" 51 ქულით მეორე ადგილზეა, ლიდერ "ლივერპულს", რომელსაც 2 შეხვედრით ნაკლები აქვს ჩატარებული, 13 ქულით ჩამორჩება, ხოლო მესამეადგილოსან "ლესტერს" 6 ქულით უსწრებს.
"ლესტერი" დღეს, 22 იანვარს, "ვესტ ჰემს" უმასპინძლებს.
სხვა მატჩების შედეგები:
ბორნმუთი - ბრაიტონი 3:1
ასტონ ვილა - უოტფორდი 2:1
ევერტონი - ნიუკასლი 2:2
კრისტალ პალასი - საუთჰემპტონი 0:2
ჩელსი - არსენალი 2:2
![ჩემპიონთა ლიგა. 1/4-ფინალი: დიდი მატჩები - "რეალმა" "სიტის", ხოლო "ბაიერნმა" "არსენალს" სძლია [VIDEO]](/pictures/image7/515b8298bc3e954e19bbd6aeee36feff.jpg "ჩემპიონთა ლიგა. 1/4-ფინალი: დიდი მატჩები - \"რეალმა\" \"სიტის\", ხოლო \"ბაიერნმა\" \"არსენალს\" სძლია [VIDEO]")
