პრემიერლიგის 27-ე ტურში "ლივერპულმა" სახლში "ვესტ ჰემი" 3:2 დაამარცხა და ოქროს მედლების მოსაპოვებლად 4 მატჩის მოგება სჭირდება.
"ლივერპული" 79 ქულით ლიდერია, მეორეადგილოსან "მანჩესტერ სიტის" 22 ქულით უსწრებს და 29 თებერვალს სტუმრად "უოტფორდს" შეხვდება.
იურგენ კლოპის გუნდმა ჩემპიონატში მიჯრით მე-18 გამარჯვება იზეიმა, რაც რეკორდის გამეორებაა - პრემიერლიგაში ზედიზედ 44 შეხვედრაში დაუმარცხებელია და "არსენალის" რეკორდამდე 5 წაუგებელი მატჩი უკლია.
"ლივერპულმა" ჩემპიონატის ერთ მატჩში 2 გოლი 4 დეკემბრის შემდეგ პირველად გაუშვა, როდესაც "ევერტონს" 5:2 სძლია.
სალაჰმა "წითლებში" მიმდინარე ტურნირზე მე-15, მთლიანობაში კი 69-ე გოლი გაიტანა, ლუის სუარესს დაეწია და ამ მაჩვენებლით კლუბში მეოთხე ადგილზეა.
მცველმა ალეკსანდერ-არნოლდმა ორი საგოლე გადაცემა გააკეთა. 21 წლისა და 140 დღის ტრენტის ანგარიშზე პრემიერლიგაში 50 საგოლე გადაცემაა. მასზე ადრეულ ასაკში ტურნირზე 50 საგოლე გადაცემა მხოლოდ ფაბრეგასმა და რუნიმ გააკეთეს.
ლივერპული. "ენფილდი". 53 313 მაყურებელი
ლივერპული - ვესტ ჰემი 3:2
გოლები: 1:0 ვეინალდუმი (9), 1:1 დიოპი (12), 1:2 ფორნალსი (54), 2:2 სალაჰი (68), 3:2 მანე (81)
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
