დელე ალი გაძარცვეს, დანით ემუქრებოდნენ და სახეში გაარტყეს

"ტოტენჰემის" ნახევარმცველი დელე ალი გაძარცვეს, - იტყობინება "დეილი მეილი".

ადგილობრივი დროით 00:30 საათზე დანებით შეიარაღებული ორი მძარცველი სახლში შეიჭრა, სადაც ალი, მისი მეგობარი გოგონა რუბი მეი, მისი ძმა ჰარი ჰიკფორდი და მათი 6 მეგობარი იმყოფებოდა.

მძარცველებმა ძვირფასეულობა და ძვირფასი საათები Richard Mille-ი და Audemar Piguet-ი წაიღეს. გამოცემის ცნობით, ფეხბურთელს სახეში გაარტყეს და უმნიშვნელო დაზიანებები მიიღო. მას აგრეთვე დანით ემუქრებოდნენ. ის საავადმყოფოში წაიყვანეს. ფიზიკური შეურაცხყოფა მიაყენეს დელეს ერთ-ერთ მეგობარს.

პოლიციამ ჯერ დამნაშავეთა კვალს ვერ მიაგნო.

შეგახსენებთ, მარტში "ტოტენჰემის" მცველის, იან ვერტონგენის სახლი გაქურდეს.

ეშლი კოული მძარცველებმა სკამზე დააბეს და მისი სახლიდან ყველაფერი გაიტანეს