"მანჩესტერ სიტის" ნახევარმცველმა 25 წლის რაჰიმ სტერლინგმა adidas-თან რეკორდული კონტრაქტი შეათანხმა.
ფეხბურთელი adidas-ისგან ყოველ წლიურად 11 მილიონ ევროს მიიღებს, რაც ბრიტანულ ფეხბურთში რეკორდია. ხელშეკრულება ძალაში 31 ივლისს შევა, როცა სტერლინგის ყოფილი კონტრაქტი nike-თან ამოიწურება.
ამ გარიგებას, შესაძლოა, გადამწყვეტი როლი ჰქონდეს რაჰიმის მადრიდის "რეალში" გადასვლასთან. "თეთრების" ტექნიკური სპონსორიც adidas-ია. The Sun-ის ცნობით, ფეხბურთელმა კარგად იცის, რა როლი ითამაშა თავის დროზე "ადიდასმა" დევიდ ბექემის "რეალში" გადასვლაზე. თუმცა სპეციალისტები მიიჩნევენ, რომ რაჰიმის სატრანსფერო ღირებულება გარიგების მთავარი სირთულე იქნება. Transfermarkt-ის მონაცემებით, ინგლისელი 130 მილიონ ევროდ
ფასდება, მადრიდელები კი ამჟამინდელ ფინანსურ მდგომარეობაში ცდილობენ მაქსიმალურად დაზოგონ სატრანსფერო ბიუჯეტი.
მიმდინარე სეზონში სტერლინგმა 49 მატჩში მიიღო მონაწილეობა, გაიტანა 29 გოლი და 9 საგოლე გადაცემა განახორციელა.
![alt](/pictures/image50/d8301fc07ab585e3fe1e2b207b718b3d.jpg "სტერლინგმა adidas-თან რეკორდული გარიგება შეათანხმა და მადრიდის "რეალს"...")
"ლივერპული" სტერლინგის დაბრუნებას შეეცდება
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
