"ლივერპულის" გულშემატკივრების ღირსეული ინიციატივა

"მანჩესტერ იუნაიტედისა" და პორტუგალიის ნაკრების ლიდერმა კრიშტიანო რონალდომ ახალშობილი შვილის გარდაცვალება დაადასტურა.

მოგეხსენებათ, დღეს, 19 აპრილს, პრემიერლიგის 30-ე ტურში, "წითელი ეშმაკები" "ლივერპულს" ესტუმრება.

მერსისაიდული გუნდის გულშემატკივრებმა სოციალური ქსელის მეშვეობით თამაშზე დამსწრე საზოგადოებას ხმა მიაწვდინეს, რომ მატჩის მიმდინარეობისას, მე-7 წუთზე, ფეხზე წამოდგნენ და ისტორიაში ერთ-ერთ საუკეთესო ფეხბურთელს აპლოდისმენტები მიუძღვნან. მართალია, კრიშტიანო ხსენებულ შეხვედრას გამოტოვებს, თუმცა მოწინააღმდეგე გუნდის ფან-კლუბისგან მსგავსი ინიციატივა ერთიორად დასაფასებელია.

შეგახსენებთ, რონალდოს მეუღლე ჯორჯინა როდრიგესი ტყუპზე იყო ფეხმძიმედ. მშობიარობის შემდეგ პატარა გოგონა გადარჩა, ბიჭი კი გარდაცვლილი დაიბადა.

"ლივერპულისა" და "იუნაიტედის" შეხვედრა თბილისის დროით 23:00 საათზე დაიწყება.

რონალდომ შვილის გარდაცვალება დაადასტურა