პრემიერ ლიგის მე-2 ტურის ცენტრალური შეხვედრა ლონდონში გაიმართა. "ჩელსიმ" "ტოტენჰემს" უმასპინძლა, მატჩი ფრედ 2:2 დასრულდა.
ანგარიში მე-19 წუთზე კალიდუ კულიბალიმ გახსნა, 68-ე წუთზე ბენ დევისის გადაცემით პიერ-ემილ ჰოიბერგმა ისარგებლა და წონასწორობა აღადგინა, დანიელის გოლის შემდეგ "მამლების" მწვრთნელმა, ანტონიო კონტემ მოწინააღმდეგე გუნდის წინ გოლი ემოციურად აღნიშნა და "ლურჯების" ბანაკიდან აგრესიაც მიიღო.
77-ე წუთზე რის ჯეიმსმა მასპინძლები წინ კიდევ ერთხელ გაიყვანა, საბოლოო ანგარიში კი 90+6 წუთზე ჰარი კეინმა დააფიქსირა.
მატჩის დასრულების შემდეგ სპეციალისტებმა ერთმანეთს ხელი ჩამოართვეს, რასაც კიდევ ერთი შეხლა-შემოხლა მოჰყვა, საბოლოოდ მსაჯმა ორივე მწვრთნელი წითელი ბარათით დააჯილდოვა.
ამრიგად, 2 ტურის შემდეგ ორივე გუნდს 4-4 ქულა აქვთ, "ტოტენჰემი" მომდევნო შეხვედრას 20 აგვისტოს, "ვულვზის" წინააღმდეგ ჩაატარებს. "ჩელსი" 21 აგვისტოს "ლიდს იუნაიტედს" ესტუმრება.
!["მსურს, ჩემი გუნდი კონტემ გაწვრთნას" - დე ლაურენტისის ქალიშვილმა "ნაპოლის" ფანს სოციალურ ქსელში უპასუხა [PHOTO]](/pictures/image7/e904fb04632cb923d4dadf7190dca6f4.png "\"მსურს, ჩემი გუნდი კონტემ გაწვრთნას\" - დე ლაურენტისის ქალიშვილმა \"ნაპოლის\" ფანს სოციალურ ქსელში უპასუხა [PHOTO]")
