ინგლისის პრემიერლიგაში მე-7 ტურის გამოტოვებული შეხვედრა გაიმართა. "მანჩესტერ სიტიმ" "ტოტენჰემს" უმასპინძლა და 4:2 დაამარცხა.
აღსანიშნავია, რომ სტუმრები პირველი ტაიმის მიწურულს დეიან კულუსევსკისა (44) და ემერსონ როიალის (45+2) გოლებით დაწინაურდნენ, თუმცა მეორე ნახევარში ყველაფერი შეიცვალა.
51-ე წუთზე ხულიან ალვარესმა სხვაობა შეამცირა. 53-ე წუთზე ერლინ ჰოლანმა წონასწორობა აღადგინა, დარჩენილი ორი გოლი კი რიად მაჰრეზმა 63-ე და 90-ე წუთებზე გაიტანა.
ამრიგად, "ქალაქელები" 19 ტურის შემდეგ 42 ქულით მე-2 ადგილს იკავებს, 22 იანვარს კი "ვულვზს" უმასპინძლებს.
თავის მხრივ, "ტოტენჰემი" 33 ქულით მე-5 პოზიციაზე იმყოფება, მომდევნო შეხვედრას კი 24 იანვარს, "ფულემის" წინააღმდეგ ჩაატარებს.
![ჩემპიონთა ლიგა. 1/4-ფინალი: ფეხბურთი მთელი თავისი დიდებულებით - "რეალი" და "სიტი" და "არსენალი" და "ბაიერნი" დროებით დაზავდნენ [VIDEO]](/pictures/image7/cc9db1aa6045dcaf1c1ee64dd9e6126d.jpg "ჩემპიონთა ლიგა. 1/4-ფინალი: ფეხბურთი მთელი თავისი დიდებულებით - \"რეალი\" და \"სიტი\" და \"არსენალი\" და \"ბაიერნი\" დროებით დაზავდნენ [VIDEO]")
