იმ შემთხვევაში, თუ ზაფხულის სატრანსფერო ფანჯრის პერიოდში "მილანს" ჯიჯიო დონარუმა დატოვებს, "როსონერი" ნაპოლის მეკარე პეპე რეინას დამატებას შეეცდება. ამის შესახებ Gazzetta dello Sport-ი იუწყება. ესპანელ კარის დარაჯს მიმდინარე სეზონის ბოლოს ნეაპოლიტანელებთან კონტრაქტი ეწურება და თავისუფალი აგენტი გახდება. ამავე წყაროს ინფორმაციით, რეინას კლუბის მფლობელ აურელიო დე ლაურენტისთან ცუდი ურთიერთობა აქვს.
ასე რომ, "მილანისთვის" ესპანელი საუკეთესო გამოსავალი იქნება, რადგან სერია "ა"-საც უკვე კარგად იცნობს და საკმაოდ გამოცდილიცაა.
