ჯენარო გატუზო: ნახევარდაცვის გაძლიერებაზე ვფიქრობთ და უეფას გადაწყვეტილებას ველოდებით

"მილანის" მთავარმა მწვრთნელმა ჯენარო გატუზომ აღნიშნა, რომ კლუბი გაძლიერებას ნახევარდაცვაში აპირებს. "როსონერი" ასევე უეფას გადაწყვეტილებასაც ელოდება.

"საბედნიეროდ, სეზონი ხვალ არ იწყება და გასაძლიერებლად დრო ჯერ კიდევ გვაქვს. უეფას გადაწყვეტილებას ველოდებით, მაგრამ ეს იმას არ ნიშნავს, რომ ტრანსფერებზე არ ვფიქრობ.

დასამალი არ არის, რომ ნახევარდაცვაში გაძლიერებას ვგეგმავთ. გვჭირდება ვიპოვოთ სუსოს ალტერნატივა, რადგან მისი შემცვლელი 4-3-3 სისტემაში არ გვყავს.

რა თქმა უნდა, ასე მოლოდინის რეჟიმში ყოფნა რთულია, მაგრამ სიმშვიდეს ვინარჩუნებთ და მუშაობას განვაგრძობთ", - აღნიშნა გატუზომ.

შეგახსენებთ, რომ "მილანს" უეფასთან ფინანსური პრობლემები აქვს, რის გამოც კლუბი შესაძლოა ევროპის ლიგიდან მოხსნან.

"მილანს" ანდრე სილვასა და რადამელ ფალკაოს გაცვლა სურს