მოულოდნელი გადაწყვეტილება სატრანსფერო ფანჯრის ბოლოს - "რომამ" კევინ სტროოტმანი გაყიდა

"რომამ" გვაუწყა, რომ კლუბმა 28 წლის ნახევარმცველი კევინ სტროოტმანი "მარსელში" გაყიდა.

ფრანგული კლუბი, ჰოლანდიელი ფეხბურთელის სანაცვლოდ, 25 მილიონ ევროს გადაიხდის.

სტროოტმანი "ოლიმპიკთან" 5-წლიან კონტრაქტს გააფორმებს და გავრცელებული ინფორმაციით, სეზონში 6-7 მილიონს გამოიმუშავებს.

მას "მარსელში" ყოფილი მწვრთნელი რუდი გარსია დახვდება, რომელთან ერთადაც იტალიაში მუშაობდა.

სტროოტმანი "რომაში" 2013 წელს პსვ-დან გადავიდა. ჰოლანდიელს თავდაპირველად ტრავმები აწუხებდა, მაგრამ ბოლო პერიოდში ძირითადი შემადგენლობის უცვლელი წევრი გახდა და იტალიური პრესა "ჯალოროსის" გადაწყვეტილებით გაკვირვებულია.

alt "ლივერპულის" გულშემატკივრის ცემისათვის "რომას" ფანს 2.5 წლით თავისუფლების აღკვეთა მიუსაჯეს