"ემპოლის" ქართველმა ფორვარდმა ლევან მჭედლიძემ გაზეთ "ლელოსთან" ინტერვიუში საკუთარ მომავალთან დაკავშირებით ისაუბრა და აღნიშნა, რომ შესაძლოა იტალიური კლუბი დატოვოს.
გთავაზობთ ამონარიდს ინტერვიუდან:
- მომავალს "ემპოლიში" ხედავ?
- პირველ რიგში, ეს სეზონი უნდა ჩავამთავროთ. ამ ეტაპზე თავს შევიკავებ გუნდის სახელის დასახელებაზე, მაგრამ განიხილება რამდენიმე ვერსია. საუბარია ევროპის სხვა ქვეყნის კლუბებზე და ალბათ, ამდენი წლის შემდეგ "ემპოლის" დავტოვებ. წლებია იტალიაში ვარ, ასაკითაც პატარა აღარ ვარ, მაგრამ ახალი სტიმულია საჭირო, რომ რაღაც უკეთესობისკენ შევცვალო.
