"რომას" მცველმა ალესანდრო ფლორენციმ კომენტარი გააკეთა სერია "ა"-ს 36-ე ტურში "იუვენტუსთან" თამაშისას მომხდარ ინციდენტზე.
59-ე წუთზე ფლორენცისა და კრიშტიანო რონალდოს შორის დაპირისპირება მოხდა. კონფლიქტის დროს პორტუგალიელმა რომაელთა კაპიტანს გაჩუმებისკენ მოუწოდა და მის სიდაბლეზე მიუთითა. ფლორენცი რონალდოზე 14 სანტიმეტრით დაბალია. თუმცა, ფეხბურთელები მალე დამშვიდდნენ და რონალდო ფლორენცის გადაეხვია.
"ჩვენ ორჯერ გადავაგდეთ ბურთი მოედნის ფარგლებს გარეთ, რათა ფეხბურთელებისთვის სამედიცინო დახმარება აღმოეჩინათ და ის ორჯერ ცდილობდა თამაშის გაგრძელებას. პირველ ტაიმში კონტრშეტევაზე წასვლა შეგვეძლო, თუმცა აუტში გადავიტანეთ ბურთი,
რადგან ასე აღგვზარდეს.
რონალდო "ოქროს ბურთის" მფლობელია და ჰგონია, რომ რაც მოუნდება, ყველაფრის გაკეთება შეუძლია. მეც ბევრს სისულელეს ვამბობ და ვაკეთებ მოედანზე, თუმცა ყველაფერი იქვე რჩება" - ციტირებს ფლორენცის Sky Sport Italia.
შეხვედრა რომაელთა გამარჯვებით დასრულდა - 2:0. პირველი გოლი სწორედ ფლორენციმ გაიტანა.
უმოტივაციო "იუვენტუსი" "რომასთან" დამარცხდა - ბოლო 7 მატჩიდან მხოლოდ 1 მოიგო [VIDEO]
![ევროპა ლიგა. 1/4-ფინალი: "ატალანტამ" "ლივერპული" გამოაგდო, "რომამ" მილანი" - "ბაიერი" და "მარსელიც" გავიდნენ [VIDEO]](/pictures/image7/15f2a4560209ca612ad928d55522900c.jpg "ევროპა ლიგა. 1/4-ფინალი: \"ატალანტამ\" \"ლივერპული\" გამოაგდო, \"რომამ\" მილანი\" - \"ბაიერი\" და \"მარსელიც\" გავიდნენ [VIDEO]")
!["რომას" მცველს მატჩის დროს გულის შეტევა დაემართა [VIDEO]](/pictures/image7/2254d5055dfe4caaee860a3cf2ffeeaf.png "\"რომას\" მცველს მატჩის დროს გულის შეტევა დაემართა [VIDEO]")
