აურელიო დე ლაურენტისი: სასიამოვნო სანახავი იქნება, როდესაც ანჩელოტის "ნაპოლი" სარის "იუვენტუსს" დაამარცხებს

AutoSharing Option
"ნაპოლის" პრეზიდენტმა აურელიო დე ლაურენტისმა "იუვენტუსის" მწვრთნელად მისი გუნდის ყოფილი თავკაცის, მაურიციო სარის დანიშვნაზე გააკეთა კომენტარი.

"სარის ტრიბუნებისთვის თავის მოწონება ეხერხებოდა, ის გულშემატკივრებს უყვარდა.

კარლო ანჩელოტი ასეთი პოპულისტი არ არის, მაგრამ გუნდისთვის გაცილებით მეტს აკეთებს. ძალიან სასიამოვნო სანახავი იქნება, როდესაც ანჩელოტის "ნაპოლი" სარის "იუვენტუსს" დაამარცხებს.

მაშინ ჩვენი ფანებიდან ვინ იტყვის, რომ სარი ჩვენი გუნდის ისტორიაში ერთ-ერთი საუკეთესო მწვრთნელი იყო", - ციტირებს დე ლაურენტისს Tutto Napoli.