იტალიის სერია A-ს მე-7 ტურში "მილანი" "ატალანტას" ესტუმრა და 3:2 დაამარცხა.
"როსონერიმ" ანგარიში პირველივე წუთზე გახსნა. თავი დავიდ კალაბრიამ გამოიჩინა. "შავ-წითლების" რიგებიდან მეორე გოლი სანდრო ტონალიმ 42-ე წუთზე გაიტანა. 78-ე წუთზე პორტუგალიელმა რაფაელ ლეაომ ბერგამოელთა კარი მესამედ დალაშქრა.
თითქოსდა მატჩი მილანელების მარტივი გამარჯვებით მიდიოდა, თუმცა "ატალანტას" ფეხბურთელებმა ორი გოლის გატანა მაინც მოახერხეს და გულშემატკივარს მცირედით, მაგრამ მაინც, იმედი ჩაუსახეს. ჯან პიერო გასპერინის შეგირდებიდან გოლები დუვან ზაპატამ (86) და მარიო პაშალიჩმა (90+4 წუთზე) გაიტანეს.
ამრიგად, 7 ტურის თავზე "როსონერი" 19 ქულით მე-2 ადგილს იკავებს. ბერგამოელები 11 ქულით მე-8 ადგილზე იმყოფებიან.
"მილანი" მომდევნო შეხვედრას 16 ოქტომბერს, "ჰელას ვერონას" წინააღმდეგ გამართავს. "ატალანტა" 17 ოქტომბერს "ემპოლის" ესტუმრება.
![alt](/pictures/image50/d0dbd3c540f8b6a8403eede64f9a2999.jpg "ლომბარდიელების უხვგოლიანი დაპირისპირება "მილანის" გამარჯვებით დასრულდა [VIDEO]")
4500 დღის შემდეგ მალდინიმ სადებიუტო შეხვედრაში გაიტანა - "მილანმა" "სპეცია" დაამარცხა
![ევროპა ლიგა. 1/4-ფინალი: შოკირებული "ენფილდი", "ბაიერის" მორიგი გამარჯვება და "რომას" მიერ ძლეული "მილანი" [VIDEO]](/pictures/image7/9d0bb1fd87cdcd129cf6b08e80b4b6e0.jpg "ევროპა ლიგა. 1/4-ფინალი: შოკირებული \"ენფილდი\", \"ბაიერის\" მორიგი გამარჯვება და \"რომას\" მიერ ძლეული \"მილანი\" [VIDEO]")
