სერია A-ს მე-13 ტურში "ინტერმა" "ნაპოლის" უმასპინძლა და 3:2 დაამარცხა.
სტუმრებმა ანგარიში მე-17 წუთზე პიოტრ ზიელინსკის გოლის წყალობით გახსნეს, ჰაკან ჩალჰანოღლუმ 25-ე წუთზე ანგარიში გაათანაბრა, ივან პერიშიჩმა კი 44-ე წუთზე "ნერაძური" წინ გაიყვანა.
მეორე ნახევარში სტუმრები გააქტიურდნენ, თუმცა ლაუტარო მარტინესმა 61-ე წუთზე სხვაობა ორბურთიანი გახადა.
მატჩის საბოლოო ანგარიში დრის მერტენსმა 78-ე წუთზე დააფიქსირა.
ამრიგად, მილანელები 28 ქულით მე-3 ადგილზე იმყოფებიან, მომდევნო შეხვედრას კი 27 ნოემბერს, "ვენეციას" წინააღმდეგ გამართავენ.
"ნაპოლი" 32 ქულით 1-ელ ადგილს იკავებს, მე-14 ტურში კი "ლაციოს" უმასპინძლებს. მატჩი 28 ნოემბერს შედგება.
![alt](/pictures/image50/30cd2cf10c02d8ef85d4ed698b2a259f.png "უხვგოლიანი მატჩი "ჯუზეპე მეაცაზე" - "ინტერმა" "ნაპოლი" დაამარცხა [VIDEO]")
3 თამაში და 16 გოლი - სერია A-ს მიმოხილვა [VIDEO]
