ბონუს ანაზღაურება გატანილ გოლებზე - რა უწერია ოსიმენს კონტრაქტში და რა თანხის გამომუშავებასთან არის ის ახლოს

Calcionapoli წერს, რომ ვიქტორ ოსიმენს "ნაპოლისთან" სეზონში გოლის გატანასთან დაკავშირებით კონტრაქტში სპეციალური პუნქტი აქვს ჩადებული.

ზემოთ აღნიშნული წყაროს ცნობით, თუ ნიგერიელი სეზონში სერია A-ში 20 გოლს გაიტანს, ის ხელფასის გარდა ბონუსის სახით 130 000 ევროს მიიღებს.

24 წლის თავდამსხმელი დამატებით 130 000 კიდევ გამოიმუშავებს, თუ ის 25+ ბურთსაც დააგროვებს.

"პარტენოპეის" თავდამსხმელს კალჩოს მიმდინარე სეზონში ამჟამად 18 გოლი უფიქსირდება და წესით, ბონუს თანხების გამომუშავება არ უნდა გაუჭირდეს.

კვარაცხელია და ოსიმენი "აინტრახტისთვის" სრულ მზადყოფნაში - ნიგერიელმა "ნაპოლის" ფანები დაამშვიდა