ოსიმენმა ორი ბონუსი მიიღო და მალე მესამესაც გაააქტიურებს

AutoSharing Option
"ნაპოლის" თავდამსხმელმა ვიქტორ ოსიმენმა ამ სეზონში მაღალი შედეგიანობის გამო უკვე ორი ბონუსი მიიღო.

"გაძეტა დელო სპორტის" ცნობით, პირველი ბონუსი, 130 ათასი ევრო, სერია A-ს მიმდინარე გათამაშებაზე მე-20 გოლის გატანის შემდეგ გამოიმუშავა, ხოლო ამდენივე - ყველა ტურნირზე 25-ე გოლის გატანისათვის. როგორც ჩანს, ნიგერიელი მალე კიდევ 130 ათასით გამდიდრდება, როდესაც სეზონში 30-ედ დალაშქრავს მეტოქეთა კარს.

ვიქტორის ანგარიშზე ამ სეზონში 29 მატჩში 25 გოლია, მათ შორის იტალიის ჩემპიონატზე 23 შეხვედრაში - 21.

ოსიმენი "ნაპოლიმ" 2020 წლის ზაფხულში "ლილისგან" 75 მილიონად შეიძინა და კონტრაქტი
2025 წლამდე გაუფორმა.