დანიამ ირლანდია გაანადგურა და მუნდიალზე გავიდა [VIDEO]

მსოფლიოს ჩემპიონატის პლეი-ოფის პირველ მატჩში ირლანდიამ კოპენჰაგენში სასურველ ნულოვან ფრეს მიაღწია და განმეორებითი შეხვედრის დებიუტშივე დაწინაურდა. სტანდარტულისას უხეიროდ გაისარჯა იორგენსენი და დაფმა თავურით თავისი გუნდი დააწინაურა.

ამის შემდეგ მასპინძლები დაცვაში ჩადგნენ და საპასუხო გოლებიც მიიღეს საკუთარ კარში. ჯერ სისკოს პასით რენდოლფის კარი კრისტენსენმა რიკოშეტით დალაშქრა (ბოლო მომენტში ბურთს მცველი კრისტი შეეხო და ავტოგოლი დაფიქსირდა), მერე კი იორგენსენის გადაცემით ერიკსენმა და ეს ყველაფერი 3-წუთიან მონაკვეთში მოხდა.

63-ე წუთზე კი ერიკსენმა კვლავ დაამწუხრა ირლანდიელები, 1:3 და ყველაფერი გადაწყდა.

დარჩენილ დროში დემორალიზებულ მასპინძლებს ერიკსენმა ჰეთ-ტრიკი შეუსრულა, ხოლო შეცვლაზე შესულმა ბენდნერმა თერთმეტმეტრიანი მოინადირა და თავადვე გაიტანა პენალტი.

ირლანდია - დანია 1:5
დუბლინი. სტადიონი „ავივა“

ირლანდია: რენდოლფი, უორდი, კლარკი (71. ლონგი), დაფი, კრისტი, მაკლეინი, ბრეიდი, მეილერი (46. ჰულაჰანი), არტერი (46. მაკგიდი), ჰენდრიკი, მერფი

დანია: შმეიხელი, კიაიერი, კრისტენსენი, ბელანდი, პოულსენი (70. კორნელიუსი), დილეინი, კვისტი, ლარსენი (54. ანკერსენი), ერიკსენი, იორგენსენი (84. ბენდტნერი), სისტო

გოლები: 6. დაფი 1:0, 29. კრისტი (ავტ) 1:1, 32. ერიკსენი 1:2, 63. ერიკსენი 1:3, 73. ერიკსენი 1:4, 90. ბენდტნერი (პენ) 1:5