ევროპის ზონაში მსოფლიოს ჩემპიონატზე გასასვლელი პლეი-ოფის ორი ფინალი გაიმართა და მუნდიალის კიდევ ორი მონაწილე გაირკვა.პოლონეთმა საკუთარ მოედანზე 2:0 სძლია შვედეთს და მსოფლიოს ჩემპიონატის საგზური მოიპოვა. მატჩისას პოლონელი გულშემატკივრები სკანდირებდნენ: „Ruska kurwa!“ – „რუსი მეძავი“.
პორტუგალიამ ბრუნო ფერნანდეშის დუბლით სახლში 2:0 დაამარცხა ჩრდილოეთი მაკედონია, რომელმაც იტალია გამოაგდო. რონალდო მე-10 დიდ ტურნირზე იასპარეზებს, რომელიც 2004 წლის შემდეგ არ გამოუტოვებია. პორტუგალია ზედიზედ მეექვსედ გავიდა მუნდიალზე, რონალდო - მეხუთედ. ნამატჩევს შვედების მწვრთნელი ანდერსონი გადადგა.
ხოჟუვი. „სილეზიან სტადიუმი“. 53 021 მაყურებელი
პოლონეთი - შვედეთი
გოლები: 1:0 ლევანდოვსკი (49, პენ), 2:0 ზელინსკი (72)
პორტუგალია - ჩრდ. მაკედონია 2:0
გოლები: 1:0 ბრუნო ფერნანდეში (32), 2:0 ბრუნო ფერნანდეში (65)
გაირკვა მსოფლიოს ჩემპიონატის 32-დან 27 მონაწილე: ინგლისი, ბელგია, დანია, გერმანია, ესპანეთი, ნიდერლანდები, პოლონეთი, პორტუგალია, სერბეთი, საფრანგეთი, ხორვატია, შვეიცარია, კანადა, არგენტინა, ბრაზილია, ეკვადორი, ურუგვაი, ირანი, კატარი, საუდის არაბეთი, იაპონია, სამხრეთი კორეა, განა, სენეგალი, მაროკო, ტუნისი და კამერუნი.
![alt](/pictures/image50/3ae07fa60083a4b96a848675985077dc.jpg "პოლონეთი და პორტუგალია მუნდიალზე გავიდნენ. "რუსი მეძავი" - სკანდირებდნენ ფანები")
რონალდო: მოვუწყოთ მაკედონიას ჯოჯოხეთი
