ინგლისმა მბაპე შეაჩერა, კეინმა პენალტი ვერ გამოიყენა და საფრანგეთმა გაიმარჯვა [VIDEO]

მსოფლიოს ჩემპიონატის მეოთხედფინალში საფრანგეთმა ინგლისს 2:1 სძლია და ზედიზედ მეორედ გავიდა ნახევარფინალში.

ფრანგებმა მატჩი გრიგალისებური შეტევებით დაიწყეს და ტჩუამენმა 25 მეტრიდან თქვენი მოწონებული დარტყმით დააგვირგვინა. ინგლისელებმა იერიშებით უპასუხეს და „ტოტენჰემის“ ერთმა ფეხბურთელმა მეორეს ორჯერ არ გაატანინა - ლორისმა კეინს. აღსანიშნავია ეპიზოდი, როდესაც უპამეკანომ კეინი წააქცია და VAR-ის სისტემამ დაადგინა, რომ წესების დარღვევას საჯარიმოს გარეთ ჰქონდა ადგილი.

მეორე ტაიმის დასაწყისში ინგლისმა ზეწოლა გააძლიერა, ორი მომენტი ვერ გამოიყენა, შემდეგ ტჩუამენმა საკა საჯარიმოში წააქცია და კეინმა პენალტით ანგარიში გაათანაბრა. საუთგეითის გუნდი უპირატესობას ფლობდა, საფრანგეთი კი, რომლის ლიდერი მბაპე განეიტრალებილი ჰყავდათ, კონტრიერიშებით პასუხობდა და ჟირუმ მაკგაუერისგან რიკოშეტით დალაშქრა პიკფორდის კარი. მალე თეო ერნანდესმა საჯარიმოში რატომღაც მაუნტი წააქცია, კეინმა თერთმეტმეტრიანიდან ბურთი კარს ააცილა და მუნდიალის მოგების ბრიტანელთა მორიგი იმედიც დასამარდა.

ნახევარფინალში საფრანგეთი მაროკოს დაუპირისპირდება.

. ლორისი 143 ჩატარებული მატჩით საფრანგეთის ნაკრების რეკორდსმენი გახდა.
. ბელინგემი ყველაზე ახალგაზრდა ინგლისელია, რომელმაც მეოთხედფინალში ითამაშა - 19 წლის და 164 დღის. წინა რეკორდი რუნის ეკუთვნოდა.

ალ ჰორი. "ალ ბაითი". 68 895 მაყურებელი
ინგლისი - საფრანგეთი 1:2
გოლები: 0:1 ტჩუამენი (18), 1:1 კეინი (54, პენ), 1:2 ჟირუ (78)