"ნანტის" მცველმა დიეგო კარლოს სანტოსმა "ეკიპს" "სენტ ეტიენთან" მატჩისას (0:3) მომხდარი ამბავი მოუყვა.
25 წლის ბრაზილიელმა მსაჯი ჟერომ ბრისარი მისი და მისი გუნდისადმი ირონიულ დამოკიდებულებაში დაადანაშაულა.
"მეორე გაშვებული გოლის შემდეგ მსაჯი ჩემთან მოვიდა, გაიცინა და მითხრა: გინდათ, კიდევ 4 წუთს დავამატებ, მოასწრებთ კიდევ ერთი გოლის გაშვებას?
არბიტრის ასეთი საქციელი დაუშვებელია. მისი საქმე მსაჯობაა და არა თავისი აზრის ფეხბურთელებთან გამოხატვა.
თუ მოინდომებენ, მისი გამონათქვამის დადგენა შესაძლებელია", - განაცხადა სანტოსმა.
რეფერიმ ფეხბურთელის ბრალდება უარყო.
იანვარში სანტოსს კონფლიქტი მოუვიდა მსაჯ ტონი შარპონთან. მსაჯმა
ბრაზილიელი წააქცია, შემდეგ მეორე ყვითელი ბარათი უჩვენა და მოედნიდან გააძევა. შარპონი სამთვიანი დისკვალიფიკაციით დასაჯეს.
![მიქაუტაძის გოლი, საგოლე პასი და საუკეთესო შეფასებები - "მეცმა" როგორც იქნა გაიმარჯვა [VIDEO]](/pictures/image7/aa32c3c5b3856c1d6e0de170d3318423.jpg "მიქაუტაძის გოლი, საგოლე პასი და საუკეთესო შეფასებები - \"მეცმა\" როგორც იქნა გაიმარჯვა [VIDEO]")
![პსჟ-მა "ნანტი" 4:0 დაამარცხა და საფრანგეთის სუპერთასი მეთერთმეტედ მოიგო [VIDEO]](/pictures/image7/b56e85b3af4e990ad51f5f7eace811f7.jpg "პსჟ-მა \"ნანტი\" 4:0 დაამარცხა და საფრანგეთის სუპერთასი მეთერთმეტედ მოიგო [VIDEO]")
