"შენ ღირხარ 10 მლნ ევრო?" - ტიერი ანრის ფეხბურთელებთან კონფლიქტი ჰქონდა?

"მონაკოს" რამდენიმე ფეხბურთელი ყოფილი მთავარი მწვრთნელის, ტიერი ანრის მუშაობის მეთოდებით იყო უკმაყოფილო და ასევე, მისი საუბრით შეგირდებთან.

"ერთ-ერთი მატჩის შემდეგ ანრიმ ერთ ფეხბურთელს დაუყვირა: "შენ ღირხარ 10 მლნ ევრო?" ეს სხვებმაც გაიგონეს და უარყოფითად მიიღეს. მწვრთნელი ცუდად ესაუბრებოდა გუნდს, ამაყი იყო და სხვების აზრს არ ისმენდა", - ციტირებს Goal.com-ი "მონაკოს" მფლობელის გარემოცვიდან ერთ-ერთ ადამიანს.

შეგახსენებთ, რომ ტიერი ანრი 24 იანვარს მთავარი მწვრთნელის პოსტიდან დროებით გადააყენეს, სანამ მის მომავალზე საბოლოო გადაწყვეტილებას მიიღებენ, თუმცა ზოგი გამოცემა წერს, რომ ის უკვე გათავისუფლებულია. ტიერი

ანრიმ გუნდი 13 ოქტომბერს ჩაიბარა, თუმცა ლიგა 1-ის 12 მატჩში მხოლოდ ორი გამარჯვება მოიპოვა, ჩემპიონთა ლიგის ჯგუფში ბოლო ადგილი დაიკავა და საფრანგეთის თასიდან გამოვარდა.

alt ტიერი ანრის "მონაკოში" 3 თვის წინ მოხსნილი ლეონარდუ ჟარდიმი შეცვლის

alt "მონაკომ" ტიერი ანრი დროებით ჩამოაშორა სამუშაოს