პსჟ ჯანლუიჯი დონარუმას შეძენას გეგმავს

"მილანის" მეკარე ჯანლუიჯი დონარუმა შეიძლება პსჟ-ში გადავიდეს, - ამ ინფორმაციას As-ი ავრცელებს.

გამოცემის მტკიცებით, პარიზელებს უნდათ კეილორ ნავასს კონკურენცია შეუქმნან და ამისათვის იტალიელი ერთ-ერთ საუკეთესო ვარიანტად მიაჩნიათ.

"მილანს" დონარუმასთან ხელშეკრულების გახანგრძლივება სურს, მაგრამ ფეხბურთელის აგენტი მინო რაიოლა თავისი კლიენტისთვის ხელფასის მნიშვნელოვნად მომატებას მოითხოვს.

პსჟ მოვლენების განვითარებას ყურადღებით აკვირდება და მზადაა დონარუმასა და რაიოლას ფინანსური მოთხოვნები დააკმაყოფილოს.

დონარუმას შეძენის შემთხვევაში "პარი სენ ჟერმენს" "რეალში განათხოვრებული ალფონს არეოლას გაყიდვა შეეძლება.

ჯანლუიჯი დონარუმას სამსახურით "რეალი" და "იუვენტუსი" დაინტერესდნენ