მეშვიდედ "ოქროს ბურთის" მოპოვებასთან დაკავშირებით პსჟ-ის თავდამსხმელმა ლეო მესიმ წვეულება მოაწყო და თანაგუნდელები ოჯახებით დაპატიჟა, გარდა მაურო იკარდისა.
"კორიერე დელო სპორტის" ცნობით, პარიზში წვეულებაზე არც იკარდი იყო და არც მისი მეუღლე ვანდა ნარა, რომლებიც ახლახან შერიგდნენ.
გამოცემის მტკიცებით, მესის სკანდალური წყვილის დაპატიჟება უნდოდა, მაგრამ გუნდის ორი არგენტინელი ფეხბურთელი - ანხელ დი მარია და ლეანდრო პარედესი წინააღმდეგი წავიდნენ. მიზეზი ისაა, რომ პარედესს ადრე ვანდასთან კონფლიქტი მოუვიდა და ლეომ სიტუაციის დაძაბვისგან თავი შეიკავა.
შეგახსენებთ, ვანდა მაქსი ლოპესის მეუღლე იყო, შემდეგ იკარდის გაჰყვა
ცოლად და ადრე არაერთხელ გავრცელდა ინფორმაცია, რომ ამის გამო, თანამემამულე ფეხბურთელები იკარდისთან ცუდ ურთიერთობაში არიან.
ბო*ები, მოღალატეები - არგენტინული სერიალი "ვანდა ნარა და სასიყვარულო სამკუთხედი" გრძელდება
!["სპორტის ისტორიაში ერთ-ერთ უდიდეს ლეგენდასთან ერთად" - ილია თოფურია ლიონელ მესისა და მაიამის "ინტერის" სხვა ვარსკვლავებს შეხვდა [PHOTOS]](/pictures/image7/258f21279919bb3cf4053911e9d2a5bf.png "\"სპორტის ისტორიაში ერთ-ერთ უდიდეს ლეგენდასთან ერთად\" - ილია თოფურია ლიონელ მესისა და მაიამის \"ინტერის\" სხვა ვარსკვლავებს შეხვდა [PHOTOS]")
