ლიგა 1-ის 31-ე ტურში "ანჟერი" გასვლაზე "კლერმონს" დაუპირისპირდა და 1:2 დამარცხდა, გუნდის ფანებმა კი ორიგინალური პერფორმანსი შემოგვთავაზეს. სტუმრებმა ორივე გოლი პენალტით გაუშვეს, მეორე 11-მეტრიანის დარტყმამდე უკანალები მოიშიშვლეს და მეტოქის ფორვარდისთვის ხელის შეშლა ასე სცადეს. ამ ხრიკმა არ გაამართა - მუჰამედ სარაჩევიჩმა სტანდარტული მდგომარეობიდან ზუსტად დაარტყა და საკუთარ გუნდს მოაგებინა.
32-ე ტურის წინ "ანჟერს" 14 ქულა აქვს და საფრანგეთის საფეხბურთო ჩემპიონატის უმაღლესი დივიზიონიდან გავარდნის მთავარი კანდიდატია. უდიდესი ალბათობით, გუნდი ლიგაში ადგილს ვერ შეინარჩუნებს, თუმცა სეზონი, ალბათ, ფანების მოქმედებით დაამახსოვრდებათ.
