ვარშავის "ლეგიას" ფეხბურთელები ფანებმა გალახეს

პოლონეთის ერთ-ერთი საუკეთესო გუნდი ვარშავის "ლეგია" ვერ თამაშობს კარგად ქვეყნის მიმდინარე პირველობაზე, უკანასკნელი ორი მატჩი წააგო და 11 ტურის შემდეგ 16 ქულით მე-8 ადგილზეა.

1 ოქტომბერს პოზნანში ადგილობრივ "ლეხთან" 0:3-ზე განადგურების შემდეგ, ფეხბურთელებს ავტობუსთან ფანები დაუხვდნენ და გალახეს. მათ არც მწვრთნელის თანაშემწე ალექსანდარ ვუკოვიჩი დაინდეს.

თან, დაუბარებიათ, კიდევ თუ დამარცხდებით, ისეთ დღეს დაგაყრით, ეს მონაგონი იქნებაო...