რობინიოს, რომელსაც გოგონას გაუპატიურებისათვის 9 წელი მიუსაჯეს, "სივასპორში" გადადის

"ატლეტიკო მინეიროს" 33 წლის თავდამსხმელი რობინიო 23 იანვარს თურქეთში ჩავა და "სივასპორთან" გააფორმებს კონტრაქტს. ეს გუნდი 18 ტურის შემდეგ 27 ქულით ქვეყნის ჩემპიონატზე მე-8 ადგილზეა.

ამას წინათ გაუწყეთ, რომ რობინიომ 2013 წლის 22 იანვარს მილანის ერთ-ერთ დისკოთეკაზე 5 სხვა პირთან ერთად 22 წლის ალბანელი გოგონა გააუპატიურა და სასამართლომ 9 წლით თავისუფლების აღკვეთა მიუსაჯა, თუმცა მან სასამართლოს გადაწყვეტილება გაასაჩივრა და სანამ სააპელაციო პროცესი არ დასრულდება, განაჩენი ძალაში ვერ შევა.