იტალიური სპორტული გაზეთის, Tuttosport-ის მიერ დაწესებული ჯილდოს მფლობელი, რომელიც ევროპის წლის საუკეთესო 21 წლამდე ასაკის მოთამაშეს გადაეცემა, ამსტერდამის "აიაქსის" ცენტრალური მცველი მატიას დე ლიხტი გახდა. მეორე ადგილი "ლივერპულელმა" ტრენტ ალექსანდერ-არნოლდმა აიღო, მესამე პოზიციაზე კი "რომას" ჰოლანდიელი შემტევი ჯასტინ კლუივერტი გავიდა.
აღნიშნული პრიზი მე-16-ედ გაიცა. სხვადასხვა დროს ის ლიონელ მესიმ, სესკ ფაბრეგასმა, პოლ პოგბამ, სერხიო აგუერომ და სხვებმა მოიგეს, შარშან კი წლის საუკეთესო ახალგაზრდა ფეხბურთელი კილიან მბაპე გახდა.
მატიას დე ლიხტმა მიმდინარე სეზონში ერედივიზიონში 15 მატჩი ჩაატარა და 2 გოლი გაიტანა.
"აიაქსი" მატიას დე ლიხტსა და ფრენკი დე იონგში 140 მილიონ ევროს ითხოვს
Golden Boy 2018-ის პრეტენდენტების ვინაობა ცნობილია
