"ბარსელონა" - "მანჩესტერის" მატჩის დელეგატი და დირექტორი ქართველი იქნება - ინფორმაციას სფფ ავრცელებს

16 აპრილს, "კამპ ნოუზე" ჩემპიონთა ლიგის მეოთხედფინალური ეტაპის საპასუხო შეხვედრა გაიმართება, სადაც "ბარსელონა" "მანჩესტერ იუნაიტედს" მიიღებს.

როგორც საქართველოს ფეხბურთის ფედერაციის Instagram-გვერდი იუწყება, აღნიშნულ მატჩს უეფას დელეგატისა და მატჩის დირექტორის სტატუსით სფფ-ის თანამშრომელი ირაკლი ნიკაიძე უხელმძღვანელებს.

"დღეს, ჩემპიონთა ლიგის მეოთხედფინალურ შეხვედრაში "ბარსელონა" "მანჩესტერ იუნაიტედს" დაუპირისპირდება. აღნიშნულ შეხვედრას უეფას დელეგატისა და მატჩის დირექტორის სტატუსით საქართველოს ფეხბურთის ფედერაციის თანამშრომელი ირაკლი ნაკაიძე უხელმძღვანელებს", - ვკითხულობთ სფფ-ის გვერდზე.

ამ გუნდებს შორის პირველი დაპირისპირება 1 კვირის წინ "ოლდ ტრაფორდზე" გაიმართა და "ბარსელონას" გამარჯვებით (1:0) დასრულდა.

ჩემპიონთა ლიგა.

1/4-ფინალი. საპასუხო მატჩების წინ: სტუმრები სასწაულის იმედად არიან