28 ივნისს, კოპა ამერიკის მეოთხედფინალში ბრაზილიამ თერთმეტმეტრიანების სერიაში პარაგვაის სძლია.
მასპინძლები პირველ ტაიმში ბევრს და უშედეგოდ უტევდნენ, სტუმრები კი სახიფათო კონტრიერიშებით პასუხობდნენ.
58-ე წუთზე მსაჯმა პარაგვაელთა კარში პენალტი დანიშნა და მცველ ბალბუენას ყვითელი ბარათი უჩვენა, ვიდეოგამეორების ნახვის შემდეგ კი თერთმეტმეტრიანი გააუქმა და ბალბუენა გააძევა. დარჩენილ დროში ბრაზილია შტურმზე გადავიდა. რამდენიმე კარგი მომენტი ჰქონდა: გაბრიელ ჟეზუსს გოლის გატანა მეკარე ფერნანდესმა არ დაანება, ედერსონისა და კოუტინიოს დარტყმული ბურთები ოდნავ ასცდა მიზანს, ხოლო ვილიანმა ბურთი ძელს გაარტყა და მატჩი უგოლოდ დასრულდა.
რეგლამენტის მიხედვით, დამატებითი დროის გარეშე თერთმეტმეტრიანების სერია დაინიშნა, რომელშიც ტიტეს გუნდმა იმარჯვა.
ნახევარფინალში ბრაზილია არგენტინასა და ვენესუელას შორის გამარჯვებულს შეხვდება.
პორტუ-ალეგრი. "გრემიო"
ბრაზილია - პარაგვაი 0:0 (პენ. 4:3)
გაძევება: ბალბუენა (58)
ბრაზილია: ალისონი, ფილიპე ლუისი (ალექს სანდრო 46), მარკინიოსი, ტიაგო სილვა, დანი ალვესი (პაკეტა 85), ალანი (ვილიანი 71), კოუტინიო, არტური, ფირმინო, გაბრიელ ჟეზუსი, ევერტონი
პარაგვაი: ფერნანდესი, ალონსო, ბალბუენა, პირისი, გომესი, ალმირონი, ორტისი, პერესი (როხასი 74), სანჩესი (ესკობარი 78), არსამენდია (ვალდესი 61), გონსალესი
![ნეიმარმა პელეს რეკორდი მოხსნა - ბრაზილიამ ბოლივია გაანადგურა [VIDEO]](/pictures/image7/9b0f918a5c5f0e2fef29d3fb284dfcd3.jpg "ნეიმარმა პელეს რეკორდი მოხსნა - ბრაზილიამ ბოლივია გაანადგურა [VIDEO]")
