"კრასნოდარმა" სენსაციურად დაამარცხა "პორტუ" გასვლით შეხვედრაში (3:2) და სახლში წაგებული მატჩის (0:1) მიუხედავად, ჩემპიონთა ლიგის პლეი-ოფში გავიდა, ხოლო დუბლის ავტორმა რუსული კლუბის მხრიდან, მაჰომედ შაპი სულეიმანოვმა მატჩის შემდეგ საინტერესო კომენტარი გააკეთა.
"ძალიან ბედნიერი ვარ. აქვე, ვისაც ჩვენი არ სჯეროდა, მინდა ყველა მოვიკითხო, ისინი, ვინც წერდნენ, რომ "პორტუ" ჩვენთვის განაჩენი იყო. ამიერიდან ხალხს ეცოდინება, რომ არ აქვს მნიშვნელობა, ვის ეთამაშები, მთავარი მონდომებაა", - თქვა 19 წლის თავდამსხმელმა.
ფეხბურთელს არ დაუკონკრეტებია, თუ რა სიტყვებით უგზავნიდა იმ ხალხს მოკითხვას, თუმცა ძნელი გამოსაცნობი არ
უნდა იყოს. "კრასნოდარმა", რომლის ღირსებასაც გასულ წელს თორნიკე ოქრიაშვილი იცავდა, პირველად მოახერხა ჩემპიონთა ლიგის პლეი-ოფში გასვლა. იქ კი, ჯგუფურ ეტაპზე მოსახვედრად პირეოსის "ოლიმპიაკოსის" დამარცხება მოუწევს.
![alt](/pictures/image50/ba017d971004d6746c26c36db5f928d0.jpeg ""კრასნოდარის" ფეხბურთელი: მოვიკითხავ ყველას, ვისაც ჩვენი არ სჯეროდა")
ჩემპიონთა ლიგის პლეი-ოფის ყველა წყვილი გაირკვა
![ევროპა ლიგა. 1/4-ფინალი: შოკირებული "ენფილდი", "ბაიერის" მორიგი გამარჯვება და "რომას" მიერ ძლეული "მილანი" [VIDEO]](/pictures/image7/9d0bb1fd87cdcd129cf6b08e80b4b6e0.jpg "ევროპა ლიგა. 1/4-ფინალი: შოკირებული \"ენფილდი\", \"ბაიერის\" მორიგი გამარჯვება და \"რომას\" მიერ ძლეული \"მილანი\" [VIDEO]")
!["პორტუმ" "არსენალს" 90+4-ე წუთზე გატანილი გოლით სძლია [VIDEO]](/pictures/image7/47c51dfcc82994c3024b9c0ba49ba0a5.jpg "\"პორტუმ\" \"არსენალს\" 90+4-ე წუთზე გატანილი გოლით სძლია [VIDEO]")
