14 აგვისტოს, ევროპის სუპერთასზე "ლივერპულმა" "ჩელსის" თერთმეტმეტრიანების სერიაში სძლია.
36-ე წუთზე ჟირუმ "არისტოკრატები" დააწინაურა. მან ევროტურნირების უკანასკნელ 16 შეხვედრაში 12 გოლი გაიტანა, შემდეგ კი ქალმა მსაჯმა ფარპარმა პულიშიჩის გოლი არბიტრთან მოთათბირების შემდეგ, რომელიც VAR-ის სისტემაზე იყო პასუხისმგებელი, თამაშგარეს გამო არ ჩათვალა.
მეორე ტაიმის დასაწყისში მანემ საპასუხო გოლი გაიტანა. ძირითად დროში ანგარიში არ შეცვლილა და ოვერტაიმი დაინიშნა.
დამატებით დროში გუნდებმა თითო-თითო გოლი გაიტანეს, პენალტების სერიაში კი "ლივერპულმა" იმარჯვა და სუპერთასს მეოთხედ დაეუფლა.
ეს "ლივერპულის" მენეჯერის, იურგენ კლოპის სამწვრთნელო კარიერაში მე-800 მატჩი იყო. ინგლისურ გუნდში მას გამარჯვებათა საუკეთესო მაჩვენებელი აქვს - 57%. "დორტმუნდში" 56% ჰქონდა, ხოლო "მაინცში" - 40%.
სტამბული. "ვოდაფონ არენა"
ლივერპული - ჩელსი 2:2 (პენ 5:4)
გოლები: 0:1 ჟირუ (36), 1:1 მანე (48), 2:1 მანე (95), 2:2 ჟორჟინიო (101)
ლივერპული: ადრიანი, გომესი, მატიპი, ვან დეიკი, რობერტსონი (ალეკსანდერ-არნოლდი 90), ფაბინიო, მილნერი (ვეინალდუმი 64), ჰენდერსონი, ოკსლეიდ-ჩემბერლენი (ფირმინო 46), სალაჰი, მანე (ორიგი 103)
ჩელსი: არისაბალაგა, ასპილიკუეტა, ზუმა, კრისტენსენი (ტომორი 85), პალმერი, კოვაჩიჩი (ბარკლი 101), კანტე, ჟორჟინიო, პულიშიჩი (მაუნტი 74), პედრო, ჟირუ (აბრჰამი 74)
![ევროპა ლიგა. 1/4-ფინალი: "ატალანტამ" "ლივერპული" გამოაგდო, "რომამ" მილანი" - "ბაიერი" და "მარსელიც" გავიდნენ [VIDEO]](/pictures/image7/15f2a4560209ca612ad928d55522900c.jpg "ევროპა ლიგა. 1/4-ფინალი: \"ატალანტამ\" \"ლივერპული\" გამოაგდო, \"რომამ\" მილანი\" - \"ბაიერი\" და \"მარსელიც\" გავიდნენ [VIDEO]")
![ევროპა ლიგა. 1/4-ფინალი: შოკირებული "ენფილდი", "ბაიერის" მორიგი გამარჯვება და "რომას" მიერ ძლეული "მილანი" [VIDEO]](/pictures/image7/9d0bb1fd87cdcd129cf6b08e80b4b6e0.jpg "ევროპა ლიგა. 1/4-ფინალი: შოკირებული \"ენფილდი\", \"ბაიერის\" მორიგი გამარჯვება და \"რომას\" მიერ ძლეული \"მილანი\" [VIDEO]")
