სომხეთის ნაკრების მწვრთნელი არმენ გიულბუდაგიანცი გადადგა.
სომხეთის ნაკრები ევროშესარჩევ ტურნირზე J ჯგუფში კარგად ასპარეზობდა, მაგრამ ბოლო ორი მატჩი გუნდის ლიდერის, ჰენრიხ მხითრიანის გარეშე უხეიროდ ჩაატარა - ლიხტენშტაინთან ფრეს (1:1) დასჯერდა, ფინეთთან 0:3 წააგო, 10 ქულით მესამე ადგილზეა, მეორე პოზიციაზე მყოფ ფინეთს 5 ქულით ჩამორჩა და ტურნირის დასრულებამდე 2 ტურით ადრე ევროპირველობის საგზურის მოპოვების შესაძლებლობა ფაქტიურად დაკარგა.
გიულბუდაგიანცმა განაცხადა, რომ მის წინაშე ნაკრების ევროპის ჩემპიონატზე გაყვანის ამოცანა არ დაუსახავთ, მაგრამ პასუხისმგებლობას გრძნობდა, თანამშრომლობისთვის ყველას მადლობა გადაუხადა და პოსტი დატოვა.