კიკნაძე მიცვალებულად გამოაცხადეს, კვირკველიასთან ერთად "ლოკოს" კიდევ 7 ფეხბურთელი დატოვებს

მოსკოვის "ლოკომოტივის" გულშემატკივრებმა მწვრთნელის, იური სიომინის მოხსნის შემდეგ განაცხადეს, რომ გუნდის მხარდაჭერას შეწყვეტენ და სტადიონის სალაროებთან ქვაზე კლუბის დირექტორთა საბჭოს თავმჯდომარის, ანატოლი მეშერიაკოვის და გენერალური დირექტორის, ვასილ კიკნაძის შავ-თეთრი ფოტოები მიამაგრეს, რომლებიც ყვავილებით შეამკეს. მოკლედ, ყველაფერი ისე გამოიყურება, როგორ საფლავის ქვაზე.

გუშინ გავრცელდა ინფორმაცია, რომ "ლოკოს" მცველი საბა კვირკველია დატოვებს. მეშერიაკოვმა არ დააკონკრეტა, მაგრამ თქვა, რომ 8 მოთამაშეს დაემშვიდობებიან.

"სიომინის გაშვებასთან დაკავშირებით ბევრი ფაქტორი შევაფასეთ: ეკონომიკური, ორგანიზაციული, ტექნიკური და ვირუსოლოგიური. ვიცით, მალე ძალიან მძიმე დროება დაგვიდგება და ქამრების შემოჭერა მოგვიწევს.

ჩვენ უკვე ვეღარ მივცემთ თავს უფლებას, ერთდროულად კრიხოვიაკი და ჟოაუ მარიუ შევიძინოთ. გუნდიდან 8 ფეხბურთელი წავა. ახალი გუნდის მშენებლობა იქნება საჭირო. მაქსიმალურად მოგვიწევს საკუთარი რეზერვების გამოყენება.

კეთილი ეტაპი დასრულდა და ძალიან მადლიერნი ვართ, რომ დროის ამ მონაკვეთში ჩვენთან სიომინი იყო", - განუცხადა მეშერიაკოვმა Sportbox-ს.

კვირკველია "ლოკომოტივს" დატოვებს? მისით 3 გუნდია დაინტერესებული

სიომინი ქართველმა მოხსნა, ნიკოლიჩი ქართველმა მიიყვანა