სათაურის წაკითხვისა და ფოტოს ნახვის შემდეგ ურთიერთსაწინააღმდეგო განცდა დაგეუფლებოდათ - რადგან, როცა "უმდიდრეს ფეხბურთელს" წავიკითხავთ, თავში, პირველ რიგში, კრიშტიანო რონალდო და ლიონელ მესი ამოტივტივდებიან, რომლებიც წლიურად 100 მილიონ ევროზე მეტს შოულობენ.
თუმცა ფეხბურთელთა შორის ყველაზე მდიდარი ვარსკვლავებთან შედარებით ნაკლებად ცნობილი ფრანგი ფეხბურთელია, რომელმაც 2019 წელს "ხეტაფე" დატოვა და თავისუფალი აგენტი გახდა. მისი სახელი მეტიო ფლამინი გახლავთ.
ფლამინი ფართო საზოგადოებამ ლონდონის "არსენალში" თამაშის დროს გაიცნო. ფრანგი ნახევარმცველი "მილანში", "მარსელსა" და "ხეტაფეშიც" გამოდიოდა, ეროვნულ გუნდში 3 მატჩიც აქვს ჩატარებული და მისი ყველაზე
მაღალი ხელფასი "არსენალში" 1 მილიონი ფუნტი იყო.
ფლამინის ერთი ბინა აქვს ლონდონში, რომელიც "არსენალში" თამაშის დროს იყიდა და ახლაც იქ ცხოვრობს. გაგიკვირდებათ, თუ როგორ არის ის უმდიდრესი ფეხბურთელი? საქმე იმაში მდგომარეობს, რომ მატიო საკითხს გლობალურად უყურებს და საკუთარ სახლად მთელ პლანეტას თვლის.
სხვებისაგან განსხვავებით, ფლამინი საკუთარ ხელფასს მანქანებში, დიდ სახლებსა და გართობაში არ ხარჯავდა. ფრანგმა გააანალიზა, რომ დედამიწა ძლიერ დანაგვიანებულია და თუ ადამიანები ამ პრობლემის გადაჭრას არ დაიწყებენ, სამყაროში ცუდი რამ დატრიალდება.
სწორედ ის იყო მიზეზი, რის გამოც ის 2008 წელს გაცნობილი ადამიანის პარტნიორი გახდა და მათ ერთად ჩამოაყალიბეს კომპანია, რომელიც ეკოლოგიურად სუფთა საწვავის წარმოებაზე მუშაობს. ამ ორგანიზაციას GF Biochemicals-ი ჰქვია.
7 წლის განმავლობაში ფლამინი მთელ ხელფასსა და გამომუშავებულ თანხას კვლევების მიმართულებით ხარჯავდა და 2015 წელს მისმა კომპანიამ გამოაცხადა, რომ გამოიგონეს იაფი მეთოდი, თუ როგორ უნდა მიიღონ ეკოლოგიურად სუფთა საწვავი.
დღეის მონაცემებით, აღნიშნული კომპანიის კაპიტალი 30 მილიარდ!!! ევროს შეადგენს.
თავად მეტიო უკვე 36 წლის გახლავთ და დიდი ალბათობით, დიდ ფეხბურთში აღარც დაბრუნდება. თუმცა ძველებურად მეგობრობს ლორენ კოშელნისა და მესუთ იოზილთან, ასევე კიდევ რამდენიმე ფეხბურთელთან, რომლებმაც მის კომპანიაში ჩადეს ინვესტიცია.
მომზადებულია Metro-ს მიხედვით
![alt](/pictures/image50/6e39ce4be133d3d55f8f81ebac28cce5.jpg "მსოფლიოს უმდიდრესი ფეხბურთელი, რომელსაც 1 ბინა აქვს და კარიერა "ხეტაფეში" დაასრულა")
ექსპერტებმა კრიშტიანო რონალდოს ქონება შეაფასეს - უმდიდრეს ფეხბურთელთა TOP 5![alt](/pictures/image50/35e2173e64b7d0c02ecd3ae32f1e91d7.jpg "მსოფლიოს უმდიდრესი ფეხბურთელი, რომელსაც 1 ბინა აქვს და კარიერა "ხეტაფეში" დაასრულა")
ესპანეთის უმდიდრეს ადამიანებში მხოლოდ ორი სპორტსმენია
