რუმინეთის მეორე ლიგის გუნდები - "რაპიდი" და "პეტროლული" საფეხბურთო თრილერის სიუჟეტში აღმოჩნდნენ, რომელსაც რამდენიმე მთავარი გმირი ჰყავდა.
მეორე ტაიმში "პეტროლულმა" პენალტის დარტყმის უფლება მოიპოვა და დასარტყმელად სერგიუ არნაუტუ მივიდა. "რაპიდის" 19 წლის მეკარე მიხაი პოპამ ბურთი მოიგერია, თუმცა მსაჯმა ხაზზე დგომის წესის დარღვევისათვის პენალტის გამეორება ბრძანა, მეკარემ კი პროსტესტის გამოხატვის გამო ყვითელი ბარათი მიიღო.
"პეტროლულის" მწვრთნელმა დამრტყმელი შეცვალა, თუმცა ვეტერანმა ლორენცო მარინესკუმაც ვერ შეძლო ეჯობა ახალგაზრდა მეკარისათვის. თუმცა, პოპამ იგივე შეცომა დაუშვა და დარტყმამდე ლამის მეკარის ბაქანის ხაზამდე მივიდა. მეკარემ ნამდვილი ისტერია მოაწყო და მეორე ყვითელი ბარათი მიიღო და მოედანიც დატოვა.
"რაპიდის" კარში ახალი მეკარე ჩადგა, პენალტის შესასრულებლად მესამე ფეხბურთელი მივიდა და სიტუაცია მარტივად განმუხტა - საერთოდ ააცილა კარს ბურთი. საინტერესო ის არის, რომ მოედანზე ახლადშემოსულმა მეკარემაც დაარღვია ხაზზე დგომის წესით, მაგრამ ბურთი კარს აცდა.
შეხვედრა ფრედ - 0:0 დასრულდა. "რაპიდმა" კი შეხვედრა 8 კაცით დაასრულა, მატჩის დასრულებამდე კიდევ ერთმა ფეხბურთელმა მიიღო წითელი ბარათი.
მომზადებულია eurosport-ის მიხედვით
40 წუთში გატანილი 4 პენალტი, შესრულებული ჰეთ-თრიკი, დუბლი და ავტოგოლი - ქართველი ფორვარდი საოცარ მატჩში დამარცხდა [VIDEO]
