მილანის "ინტერის" ჩილელი ფორვარდი ალექსის სანჩესი ევროპა ლიგის ფინალში გავიდა და ამ მიღწევისათვის ყოფილი კლუბი "მანჩესტერ იუნაიტედი" სამხრეთამერიკელს 10 მილიონ ევროს გადაუხდის.
6 აგვისტოს სანჩესმა "ნერაძურისთან" კონტრაქტი გააფორმა და გუნდის ფეხბურთელი გახდა. იქამდე მხოლოდ იჯარის წესით თამაშობდა. სეზონის ბოლოს "მანჩესტერმაც" ჩილელთან გაწყვიტა ხელშეკრულება და 10 მილიონი ევრო კომპენსაციის სახით გადაუხადა. არადა, დარჩენილ 2 წელში "წითლებს" ჩილელისთვის 40 მილიონი უნდა გადაეხადა.
"ეშმაკების" ხელმძღვანელობამ "ინტერს" გამოსასყიდი თანხაც კი არ მოსთხოვა. "მანკუნიანელებს" სახელფასო ბიუჯეტის გამოთავისუფლება სურთ ჯეიდონ სანჩოს შესაძენად.
ინგლისელებს ზურგიდან უდიდესი გასამრჯელოს
გადახდაც მოეხსნათ - "ინტერში" ალექსისის ხელფასის 75% (15 მილიონ ევროს) სწორედ "ოლდ ტრაფორდის" ოფისიდან იხდიდნენ. როგორც Daily Mail-ი წერს, ბრიტანელები საქმის ასე გადაწყვეტით გახარებულნი დარჩნენ.
რამდენად სასიხარულოა ეს ამბავი, ეს მეორე საკითხია. ჩილელმა "იუნაიტედის" მაისურით სულ 3 გოლი გაიტანა...