უცხოური ფეხბურთი

სხვადასხვა

18:57 26-08-2020

"მანჩესტერ სიტიში" გადასასვლელად მესიმ ფიფასგან სატრანსფერო სერტიფიკატი მოითხოვა

AutoSharing Option
Onda Cero-ს ჟურნალისტი ალფრედო მარტინესი იტყობინება, რომ თავდამსხმელი ლეო მესი "ბარსელონაში" კლუბის პრეზიდენტ ჟოზეპ ბარტომეუს გადადგომის შემთხვევაშიც კი არ დარჩება.

"ბარსას" ტექნიკური დირექტორი რამონ პლანესი კი ჯიუტად ამტკიცებს, რომ მესის წასვლას არც განიხილავენ.

მესის სამსახურით ორივე მანკუნიანური კლუბია დაინტერესებული, თავად არგენტინელს კი კარიერის "მანჩესტერ სიტიში" გაგრძელება უნდა. შეგახსენებთ, ამ გუნდის მწვრთნელი "ბარსელონას" ყოფილი თავკაცი პეპ გვარდიოლაა და მათ ერთმანეთთან ჩინებული ურთიერთობა აქვთ.

ESPN-ის ცნობით, "ქალაქელები" მესის სამწლიან კონტრაქტს შესთავაზებენ, რომელშიც შემდგომში მისი მათ პარტნიორ კლუბ "ნიუ იორკ სიტიში" გადასვლა იქნება
გათვალისწინებული. ხელშეკრულების გაფორმების შემთხვევაში, მესი კლუბის პატრონების ჰოლდინგ City Football Grop-ის ელჩი გახდება. "სიტი" ფრთხილობს და უნდა ტრანსფერი ფიფას ფინანსური ფეირ-პლეის წესების დარღვევის გარეშე განახორციელოს.

ამასობაში ცნობილი ხდება, რომ ლეომ ფიფასგან თავისი საერთაშორისო სატრანსფერო სერტიფიკატი მოითხოვა, რომელიც ესპანეთის ფეხბურთის ასოციაციასა და თავისი მომავალი კლუბის ეროვნულ ფედერაციაში უნდა გაიგზავნოს.

ტეგები:
ლიონელ მესი
ბარსელონა
ბეჭდვა
ასევე დაგაინტერესებთ