რობერტ ლევანდოვსკი თაღლითობაში დაადანაშაულეს

"ბაიერნისა" და პოლონეთის ნაკრების თავდამსხმელი რობერტ ლევანდოვსკი თაღლითობაში დაადანაშაულეს.

"შპიგელის" ცნობით, ფეხბურთელის ყოფილმა მრჩეველმა, პოლონეთის ეროვნული გუნდის ექს-ფორვარდმა ცეზარი კუხარსკიმ მას ვარშავის საოლქო სასამართლოში უჩივლა.

კუხარსკის მტკიცებით, რობერტმა და მისმა მეუღლე ანამ (კარატეში მსოფლიოს ყოფილი ჩემპიონია) თავიანთი კომპანია RL Management-დან უკანონოდ გაიტანეს 39 მილიონი პოლონური ზლოტი (9 მილიონი ევრო). კუხარსკი ირწმუნება, რომ ლევანდოვსკები ხშირად ახორციელებდნენ უკანონო ფინანსურ ოპერაციებს.

რობერტმა გამოცემას განუცხადა, რომ აღნიშნულ ფაქტზე არაფერი არ იცის.

საუკუნის თაღლითობა - 2016 წელს "გარდაცვლილი" "შალკეს" ფეხბურთელი ცოცხალი აღმოჩნდა