ჩემპიონთა ლიგის პლეი-ოფის პირველ მატჩში გიორგი ჩაკვეტაძის "გენტი" საკუთარ მოედანზე 1:2 დამარცხდა კიევის "დინამოსთან".
ჩაკვეტაძემ წინა დღით კი ივარჯიშა, მაგრამ მწყობრში ჩადგომა ვერ მოახერხა და მწვრთნელმა დე დეკერმა ძირითადში ბეზუსი დააყენა.
წვიმიან ამინდში მე-9 წუთზე სტუმრები სუპრიაგამ დააწინაურა. 25-ე წუთზე მასპინძელთა თავდამსხმელმა იარემჩუკმა ტრავმა მიიღო და კლიაინდინსტმა შეცვალა, რომელმაც ანგარიში 41-ე წუთზე გაათანაბრა. 53-ე წუთზე ბეზუსმა მეორე ყვითელი ბარათი მიიღო და "გენტი"კაცნაკლული დარჩა. 79-ე წუთზე კი დე პენამ გამარჯვების გოლი გაიტანა.
"დინამოს" მწვრთნელმა ლუჩესკუმ გიორგი წიტაიშვილი განაცხადში არ შეიყვანა.
ამ
გუნდების განმეორებითი მატჩი 29 სექტემბერს უკრაინის დედაქალაქში გაიმართება და ცხადია, "გენტი" ძალიან მძიმე სიტუაციაშია.