"ლივერპული" - "ევერტონი"
მერსისაიდული დერბი, უმაღლეს მწვერვალზე ასული "ევერტონი" და შურისძიებისთვის მებრძოლი "ლივერპული".
ორივე მერსისაიდულმა გუნდმა სეზონი კარგად დაიწყო, წითლებმა 4 მატჩიდან 3 მოიგეს, ხოლო ლურჯებმა - 4/4.
"ლივერპული" წინა მატჩში განადგურდა "ასტონ ვილასთან" 2:7 და დღეს სახელის აღდგენისთვის იბრძოლებს, ხოლო კარლოს შეგირდები ჩვეული, დასახული მიზანს გაჰყვებიან.
გუნდები ამ მატჩს დანაკლისით ხვდებიან.
"ევერტონი" - იერი მინა, ლუკა დინი, ხოლო "ლივერპულს" - ალისონი, ნაბი კეიტა და ოქსლეიდ ჩემბერლინი.
ამ
მატჩი 15:30 საათზე დაიწყება.
"მანჩესტერ სიტი" - "არსენალი"
ორი გრანდის დიდებული ჯახი. "მანჩესტერ სიტიმ" სეზონი ცუდიად დაიწყო, განსხვავებით "არსენალისგან", რომელმაც 3/4 მატჩში იმარჯვა.
არსენალი შესანიშნავ, ლაღ ფეხბურთს თამაშობს და ნელ-ნელა უბრუნდება თავის დიდებას, ხოლო ქალაქელებზე ისედაც ყველაფერი ვიცით.
ლონდონელებს დღეს კიერან ტირნი დააკლდებათ, ხოლო "მანჩესტერ სიტის" დანაკლისი გაცილებით დიდია - საჰიმ სტერლინგი, აგუერო, გაბრიელ ჟესუსი და ზინჩენკო.
მატჩი 20:30 საათზე დაიწყება.
"ნაპოლი - ატალანტა"
ორი სუპერშემტევი გუნდი დღეს ერთმანეთს დაუპირისპირდება.
"ბერგამოს ატალანტამ“ სეზონი კარგად დაიწყო და 3/3 გამარჯვება აქვს და "მილანთან“ ერთად პირველ ადგილზე იმყოფება, ხოლო "ნეაპოლიტანელებს“ ერთი ტექნიკური მარცხი და -1 ქულა, მას შემდეგ, რაც ისინი ტურინში არ გაფრინდნენ.
"ნაპოლს“ დასაკარგი ქულები აღარ აქვს და შეეცდებიან დღეს საკუთარ კედლებში გაიმარჯვონ.
"ნაპოლის“ მხრიდან დღეს მატჩს ზიელინსკი,ინსინიე და ელმასი გამოტოვებენ, ხოლო "ატლანტადან“ - კარნასეჩი და კალდარა.
მატჩი 17:00 საათზე დაიწყება.
"ინტერი" - "მილანი"
დერბი "დელა მადონინა" და წარსულის ნოსტალგია.
"მილანი" შესანიშნავ ფორმაშია, სტარტზე 3/3 გამარჯვება, ხოლო "ინტერს" 2 გამარჯვება და 1 ფრე "ლაციოსთან".
ორივე გუნდი საკადრო პრობლემებით ხვდებიან დღევანდელ მატჩს, განსაკუთრებით "ინტერი".
"ნერაძურის" დღეს გამოაკლდებიან - სენსი, გაგლიარდინი, ნაინგოლანი, შკრინიარი, ვეჩინო, ეშლი იანგი და შესაძლოა ალექსის სანჩესმაც ვერ ითამაშოს.
"როსონერის" - მატეო გაბია და ანტე რებიჩი.
"მილანის" გულშემატკივრების სასიახრულოდ, შვედმა სუპერვარსკვლავმა კოვიდი დაამარცხა და დღეს შესაძლოა "ჯუზეპე მეაცაზე" ვიხილოთ.
მატჩი 20:00 საათზე დაიწყება.
"ჰოფენჰაიმი" - "დორტმუნდი"
ორი სუპერშემტევი გერმანული გუნდი ერთმანეთს დაუპირისპირდება.
ორივე გუნდს 6-6 ქულა აქვს და 5-6 ადგილს ინაწილებენ.
მასპინძლებს ბიკასიჩი, ხოლო "დორტმუნდს" - აკანჯი, ტორგან აზარი, შულცი დააკლდებათ.
"დორტმუნდის" "ოქროს ბიჭები" აჯობებენ თუ "ჰოფენჰაიმის" შემტევები ეს დღეს გაირკვევა.
შეხვედრა 17:30 საათზე დაიწყება.
"არმინია" - "ბაიერნი"
"ბაიერნი" დღეს "ბუნდესლიგაში" ახლად აღზევებულ "არმინია ბიელეფილდს" ესტუმრება.
"რეკორდმაისტერს 2/3 მოგება აქვს და ამჟამად 4 ადგილს იკავებს, ხოლო "არმინიას" 1 მოგება და ერთი ფრე და 4 ქულით 10 ადგილზეა.
"ბაიერნს" დღეს მათი ახალწვეული ლეროი სანე გამოაკლდება, ხოლო "არმინიას" კენდრიკ ბრუნერი.
მატჩი 20:30 საათზე დაიწყება.
მადრიდის "რეალი" - კადისი"
დღეს მადრიდის რეალი" "კადისს" უმასპინძლებს.
მადრიდელებს 4 თამაშში 10 ქულა აქვს და 1 ადგილს იკავებს, ხოლო "კადისს"- 7ქულა და 9 ადგილზე იმყოფებიან.
ზიდანს დღეს - კარვახალი, აზარი, ოდრიოზოლა, მილიტაო და მარიანო დიაზი დააკლდება.
ხოლო "კადისს" - ლუისმი კუეზადა.
შეხვედრა 20:30 საათზე დაიწყება.
"ხეტაფე" - "ბარსელონა"
"ხეტაფეს" დღეს კატალონიური გრანდი, "ბარსელონა" ესტუმრება.
მასპინძლებს 4 ტურის შემდეგ 7 ქულა აქვთ და მეშვიდე ადგილს იკავებენ, ხოლო სტუმრებს 3 თამაშში აქვთ 7 და 5 ადგილზე იმყოფებიან.
აღსანიშნავია, რომ "ხეტაფეს"დღეს არცერთი ფეხბურთელი არ აკლია.
რაც შეეხება "ბარსელონას", მათ - ტერ შტეგენი, უმტიტი ალბა, ფირპო და შესაძლოა პიანიჩიც დააკლდეთ.
თამაში 23:00 საათზე დაიწყება.