გუშინ 60 წლის ასაკში ლეგენდარული არგენტინელი ფეხბურთელი დიეგო მარადონა გარდაიცვალა და მთელი საფეხბურთო სამყარო დამწუხრებულია. თუმცა ყველგან სწორად როდი გაიგეს ეს ამბავი.
მაგალითად, აშშ-ში ზოგიერთს ჰგონია, რომ მარადონა კი არა, ცნობილი პოპ-მომღერალი მადონა გარდაიცვალა. "ტვიტერზე" უამრავი გამოხმაურება გამოჩნდა, სადაც ფანები მარადონას ნაცვლად 62 წლის მადონას ეთხოვებიან.
"2020-მა წელმა ლეგენდა წაგვართვა. განისვენე მშვიდად, მადონა, პოპ-მუსიკის დედოფალო. შენ გარეშე მოვიწყენთ", - წერს მისი ერთ-ერთი თაყვანისმცემელი. სხვები კი უბრალოდ წერენ: "განისვენე მშვიდად, მადონა".