31 გუნდში ითამაშა და 44 წლისა დამსახურებულ პენსიაზე გავიდა

AutoSharing Option
ურუგვაის ნაკრების ყოფილმა თავდამსხმელმა სებასტიან აბრეუმ თამაშს თავი დაანება.

44 წლის აბრეუს უკანასკნელი კლუბი ურუგვაის "სუდ-ამერიკა" იყო, რომელშიც მარტში გადავიდა.

დიდ ფეხბურთში აბრეუს დებიუტი 1994 წელს შედგა და მას შემდეგ 31 გუნდის ღირსება დაიცვა - ასპარეზობდა "სან ლორენსოში", "ნასიონალში", "რივერ პლეიტში", "ბოტაფოგოში", "დეპორტივოში", "სოსიედადსა" და სხვა გუნდებში.

სებასტიანმა ნაკრებში 70 მატჩში 26 გოლი გაიტანა, მის რიგებში 2010 წლის მუნდიალზე ნახევარფინალში გავიდა (განასთან 1/4 ფინალში გადამწყვეტი მატჩისშემდგომი პენალტი გაიტანა), 2011 წელს კი ამერიკის თასის გამარჯვებული გახდა.