არგენტინის რიგით მე-3 დივიზიონის შეხვედრის მიმდინარეობისას "ჰურაკან ლას ეირასა" და "ფერო პიკოს" გულშემატკივრებს შორის შეტაკება მოხდა, რა დროსაც "ფეროს" მწვრთნელი მაურისიო რომერო ცეცხლსასროლი იარაღით დაჭრეს.
უფრო დეტალურად, შეხვედრის 79-ე წუთზე "ჰურაკან ლას ეირა" მეტოქეს 3:1-ს ამარცხებდა, როდესაც გულშემატკივრები ერთმანეთს დაუპირისპირდნენ. გაისმა იარაღის ხმაც, ბრმა ტყვია კი მაურისიოს მხარში მოხვდა, რის შემდეგაც სპეციალისტი საავადმყოფოში გადაიყვანეს.
გავრცელებული ინფორმაციის თანახმად, რომეროს ჯანმრთელობის მდგომარეობა დამაკმაყოფილებელია.
მომზადებულია asumetech-ის მიხედვით