ევროპის სუპერლიგა მუშაობას აგრძელებს. მართალია, 2021 წელს ევროპულმა გრანდებმა ახალ საფეხბურთო ტურნირზე უარი განაცხადეს, თუმცა მადრიდის "რეალის" პრეზიდენტი ფლორენტინო პერესი უეფას მუშაობით უკმაყოფილოა და ახალი საფეხბურთო ლიგის შექმნაზე ოცნებობს.
A 22 Sports-ი არის კომპანია, რომელიც პასუხისმგებელია სუპერლიგისთვის სპონსორების მოძიებასა და სტრუქტურის შედგენაზე, ოთხშაბათს კი გამოაცხადეს, რომ ბერნდ რაიჩარტი ლიგის ახალი აღმასრულებელი დირექტორია. გერმანელი იქამდე Deutschland Group-ის გენერალური დირექტორის პოსტს იკავებდა.
"თავდაპირველად, წამოვიწყებთ დიალოგს ევროპულ კლუბებთან, მოთამაშეებთან, მწვრთნელებთან და პოლიტიკოსებთან. შევიმუშავებთ მოდელს, რომელშიც ასახული იქნება გულშემატკივართა და ფართო სპექტრის ინტერესები.
კლუბები
დღეს გადაუჭრელი ამოცანების წინაშე დგანან. მადრიდის "რეალის", "იუვენტუსის" და "ბარსელონას" პრეზიდენტებმა ცოტა ხნის წინ ისაუბრეს პრობლემებსა და გამოწვევებზე, რაც ჩემპიონთა ლიგის ახალ მოდელს ახლავს. მზად ვარ, მოვისმინო ყველას აზრი და უკეთესი გავხადოთ სპორტი, რომელიც ძალიან გვიყვარს" - განაცხადა გერმანელმა.
მომზადებულია Marca-ს მიხედვით