"ჟირონამ" კიევის "დინამოს" 25 წლის გარემარბი ვიკტორ ციგნკოვი 5 მილიონ ევროდ შეიძინა და კონტრაქტი 2027 წლამდე გაუფორმა. უკრაინული კლუბი შემდეგი შესაძლო ტრანსფერიდან თანხის 50%-ს მიიღებს.
ციგანკოვი "დინამომ" 2021 წელს "ჟირონას" 10 მილიონად არ მიჰყიდა, ახლა კი, რადგან ფეხბურთელი ზაფხულში თავისუფალი აგენტი გახდებოდა, ორჯერ უფრო იაფად დაუთმო.
კატალონიური კლუბი City Football Group-ის ჯგუფის წევრია, რომელიც "მანჩესტერ სიტის" მფლობელიცაა. Transfermarkt-ის მიხედვით, ციგანკოვის ფასი 22 მილიონია. ის და გიორგი წიტაიშვილი ერთ პოზიციაზე თამაშობენ და ქართველის კონკურენტი იყო.
ჟურნალისტი იგორ ბურბასი იტყობინება, რომ ციგანკოვი
კატალონიაში აგენტმა პერე გვარდიოლამ დაახლოებით ერთი თვის წინ წაიყვანა. ის "ჟირონაში" თითქმის ყველა სატრანსფერო საკითხს წყვეტს, სახლი უქირავა, სავარჯიშოდ ყველა პირობა შეუქმნა. თავად ფეხბურთელი ბოლო მომენტამდე ორჭოფობდა, ვინაიდან უკეთეს კლუბში გადასვლა სურდა. წინადადებები მართლაც ჰქონდა, მაგრამ ისინი მასთან ხელშეკრულების გაფორმებაზე მხოლოდ ზაფხულში იყვნენ თანახმა. მოკლედ, ვიკტორს კიევში დაბრუნება იმიტომ არ უნდოდა, რომ "დინამო" თანამშრომლობის გახანგრძლივებას მოსთხოვდა და შეიძლება ტრანსფერი არ განხორციელებულიყო.
ua-football-ი წერდა, რომ ციგანკოვი "ჟირონაში" კი არ გადავიდა, არამედ "დინამოდან" გაიქცა.
![alt](/pictures/image50/60aa0ee30245b51a0ff373c6501bf1ec.jpeg "კიევის "დინამოდან" გაიქცა? - წიტაიშვილის კონკურენტი "ჟირონამ" შეიძინა")
უკრაინელი ფეხბურთელი პრემიერლიგის გუნდში გადასასვლელად ემზადება
![დაუნდობლები - ვინისიუსმა თანამემამულე ატირა და შემდეგ დაამშვიდა [VIDEO]](/pictures/image7/8a8dee8d2f8a5e6613324311f3ce35f1.jpg "დაუნდობლები - ვინისიუსმა თანამემამულე ატირა და შემდეგ დაამშვიდა [VIDEO]")
!["ბარსელონაში" დარჩი" - "რეალის" ფანებმა ხავის უმღერეს [VIDEO]](/pictures/image7/f436729c73d2e3f5362d96de0172a571.png "\"ბარსელონაში\" დარჩი\" - \"რეალის\" ფანებმა ხავის უმღერეს [VIDEO]")
