"მთელი მსოფლიო ელოდება" - "ალ-ნასრიში" დღეს კრიშტიანო რონალდოს დებიუტი შედგება

საუდის არაბეთის კლუბ "ალ-ნასრიში" დღეს ლეგენდარული პორტუგალიელი შემტევის კრიშტიანო რონალდოს დებიუტი შედგება.

37 წლის ფეხბურთელის გუნდი საკუთარ მოედანზე თბილისის დროით 21:30 საათზე "ალ-ეტიფაქს" დაუპირისპირდება.

"მთელი მსოფლიო ელოდება. ყველას ყურადღება "ალ-ნასრისკენაა". დღეს კრიშტიანოს დებიუტი შედგება", - დაწერა საუდის არაბეთის კლუბმა სოციალურ ქსელში.

საუდის არაბეთის ჩემპიონატის დაწყებიდან 14 ტურია გასული. რონალდოს "ალ-ნასრი" ლიდერ "ალ-იტიჰადს" 1 ქულით ჩამორჩება, თუმცა მასზე 1 მატჩით ნაკლები აქვს ჩატარებული.