ევროპის ახალგაზრდული ჩემპიონატის მეოთხედფინალში უკრაინამ საფრანგეთი 3:1 დაამარცხა და ნახევარფინალში ესპანეთს დაუპირისპირდება.ფრანგები ლამაზი კომბინაციის შედეგად შერკიმ დააწინაურა, რის შემდეგაც მუდრიკის მოპოვებული პენალტით სუდაკოვმა ანგარიში გაათანაბრა. უპირატესობას საფრანგეთი ფლობდა. ბარკოლამ კარგი შანსი ვერ გამოიყენა, სამაგიეროდ, კონტრშეტევისას გამოიყენა სუდაკოვმა, რომელმაც მუდრიკის პასით დუბლი შეასრულა.
მეორე ტაიმში უკრაინამ მეტოქეს სივრცეები გადაუკეტა. ბარკოლა მაინც დაუსხლტა მეურვეს, მაგრამ მეკარე ტრუბინმა არ გაატანინა. ბოლოს საფრანგეთი შტურმზე გადავიდა. ვაის გოლი თამაშგარეს გამო არ ჩაითვალა. კონტრიერიშისას ჯერ ნაზარენკომ ვერ უწია მიზანს, ცოტა ხანში კი ბონდარენკომ გაიტანა და
შეხვედრის ბედი გადაწყვიტა.
ასე რომ, სამწუხაროდ, საქართველოს ნაკრებმა ოლიმპიადაზე გასვლის შანსი დაკარგა.
კლუჟი. "კლუჟი არენა"
საფრანგეთი - უკრაინა 1:3
გოლები: 1:0 შერკი (19), 1:1 სუდაკოვი (32, პენ), 1:2 სუდაკოვი (44), 1:3 ბონდარენკო (86)
U21. ინგლისმა მოიგო - საქართველოს შანსი გაიზარდა
U21. საქართველოს ნაკრები ოლიმპიადაზე გასვლის შანსს ინარჩუნებს
![U21. ფრე უკრაინასთან - საქართველოს ნაკრებმა სამმატჩიანი წაგებათა სერია შეწყვიტა [VIDEO]](/pictures/image7/51f169e80ca3d185e2c3fe8b92359f57.jpg "U21. ფრე უკრაინასთან - საქართველოს ნაკრებმა სამმატჩიანი წაგებათა სერია შეწყვიტა [VIDEO]")
![U21. საქართველო - უკრაინა [LIVE]](/pictures/image7/2fb939fb28f9bd3377f511db91d99e20.jpg "U21. საქართველო - უკრაინა [LIVE]")
