იტალიის თასის მერვედფინალში "ნაპოლი" შინ "ფროზინონესთან" 0:4 დამარცხდა. ჟურნალისტებმა "პარტენოპეის" პრეზიდენტის, აურელიო დე ლაურენტისის 4 წლის წინანდელი ინტერვიუ გაიხსენეს. მაშინ კინოპროდიუსერმა სერია A-ს აუტსაიდერები, მათ შორის, "ფროზინონეც" გააკრიტიკა."რა ესაქმება "ფროზინონეს" სერია A-ში? მათ თამაშებზე გულშემატკივრები არ დადიან, უმაღლეს ჩემპიონატში გადმოდიან, შემდეგ კი ისევ ვარდებიან. როდესაც ასეთი უსუსური ხარ, ჯარიმას უნდა იხდიდე და დაფინანსებას არ უნდა იღებდე", - განაცხადა დე ლაურენტისმა 2019 წელს.
შეგახსენებთ, "ნაპოლი" სერია A-ს მორიგ მატჩს 23 დეკემბერს, "რომას" წინააღმდეგ გამართავს.
