"ნაპოლიში" დარჩენით დიდი შეცდომა დაუშვა" - კასანომ "პარტენოპეის" ფეხბურთელზე ისაუბრა

ვეტერანმა ფეხბურთელმა ანტონიო კასანომ Viva el Futbol-თან ინტერვიუში "ნაპოლის" კაპიტნის, ჯოვანი დი ლორენცოს შესახებ ისაუბრა.

იტალიის ნაკრების ყოფილი ფორვარდის თქმით, განაპირა მცველს ზაფხულის სატრანსფერო ფანჯარაზე "პარტენოპეი" აუცილებლად უნდა დაეტოვებინა.

"დი ლორენცომ "ნაპოლიში" დარჩენით დიდი შეცდომა დაუშვა. საჩემპიონო სეზონის შემდეგ საშინელი წელი ჰქონდა. ჯოვანის ზაფხულში გუნდიდან წასვლა სურდა, თუმცა ბოლოს გადაიფიქრა. ვიმეორებ, მან დიდი შეცდომა დაუშვა", - განაცხადა კასანომ.

შეგახსენებთ, დი ლორენცოს "პარტენოპეისთან" მიმდინარე ხელშეკრულება 2028 წლამდე აკავშირებს.

კონტემ თავისი გაიტანა - დი ლორენცომ "ნაპოლიში" დარჩენა გვაუწყა, ხვიჩას ამბავიც თითქმის საბოლოოდ

გადაწყდა

ანტონიო კონტე კვარაცხელიასა და დი ლორენცოზე: საუკეთესო ფეხბურთელების გასხვისება ნონსენსია

"დე ლაურენტისს უკვე ვაცნობე, დი ლორენცოს "ნაპოლიდან" წასვლა სურს" - ჯოვანის აგენტი